Cerita Lucu Bahasa Ngapak Kebumen By Boled

Berikut ini adalah sebuah cerita lucu bahasa ngapak Kebumen yang berisi tentang dialog percekapan antara Bu Sumi dengan murid-murid imutnya di hari pembegian Raport. Yuk ikuti kisahnya:
Dina kuwe wektune pembagian raport nggo Sekolah TK 'Ceria Bae'. Wektu kuwe berarti dina terakhir Sekolah. Murid-murid krasa bungah merga selawase Sekolah wis dewulang kanthi sabar neng gurune yakuwe Bu Sumi.

Merga rasa tresnane maring Bu Sumi, murid-murid akeh sing aweh hadiah.
Dakem sing anake bakul kembang maju disit dewek, aweh kado.

Kadone di tampani neng Bu Sumi kambi di orag-orag (di kocok pelan). "Kiye isine kembang yah Kem?" Dakem nyengir, "Nggih leres Bu, deneng Bu Guru ngertos?" "Ya anu kira-kira Kem," jawabe Bu Sumi.

Ora let suwe Klewek sing anake bakul dolanan bocah, maju aweh kado maring Gurune. Pada kaya mau, kadone diorag-orag. "Kiye isine boneka yah Wek?" Klewek gumun, "Deneng Bu Guru ngertos?" Bu Sumi mangsuli, "Ya patute lah Wek, anu asal mbedhek."

Siki gari gilirane Ciwel sing anake bakul sirup, maju aweh kado. Ndilalah kadone teles, terus ana banyune netes. Bu Sumi mbathin, "Kiye Ciwel mesti aweh sirup. Dasar bocah nakal,  mesti mau kadone gigal, nganti isine wutah kaya kiye."

Bu Sumi ngemek banyu sing netes sekang njero kado, terus de dilat. "Kiye sirup rasa jeruk ya Wel?" "Eee... sanes Bu," semaure Ciwel. "Pantesan rasane sejen yah?" Bu Sumi ndilat maning banyu sing netes sekang kado. "Kiye tah mesti bener, rasane kaya mandan sengar, sirup nangka sabrang yah Wel?" "Sanes Bu." Semaure Ciwel maning.

Bu Sumi wis ping loro salah mbedhek, dadi takon maring Ciwel. "Jan-jane kiye isine sirup rasa apa Wel?" Ciwel kambi mandan bingung terus semaur, "Éeee... anu Bu Guru, niku sanes sirup, tapi anak kucing." "Apa...??? Dadi kawit mau nyong ndilati uyuh kucing???" Bu Sumi sekal muntah-muntah kambi mlayu maring Kamar Mandi.
Ayo tertawa.... HAHAHHAAA...
"Cerita percakapan bahasa nga[ak diatas bertujuan hanya untuk homor belaka, mohon maaf jika ada kesamaan kata maupun nama semua itu tanpa disengaja.

Tweet